Birge
Жариялау

Қауіпсіздік

Birge-дегі адамдардың көбі сіз іздегенді іздейді: баспана немесе көрші. Бірнеше қарапайым ереже жағымсыз жағдайдан сақтайды.

Қауіпсіздік

Birge-дегі адамдардың көбі сіз іздегенді іздейді: баспана немесе көрші. Бірнеше қарапайым ереже жағымсыз жағдайдан сақтайды.

Ақша — тек көргеннен кейін

  • Баспананы өз көзіңізбен көріп, құжаттарын тексермейінше депозит, алдын ала төлем немесе «бронь» аудармаңыз.
  • Асықтырса — «қазір төлеңіз, әйтпесе басқаға береміз» — немесе көрсеткені үшін ақша сұраса, тоқтаңыз.
  • Баға, депозит және коммуналдық төлемдер туралы алдын ала келісіп, шартқа жазыңыз.
  • SMS кодтарын және карта деректерін ешкімге айтпаңыз.

Кездесу

  • Баспананы өзіңіз барып көріңіз, күндіз барған дұрыс. Жақындарыңызға қайда бара жатқаныңызды айтыңыз.
  • Болашақ көршімен алдымен чатта сөйлесіп, алғашқы кездесуді көп адам жүретін жерде белгілеңіз.
  • Бір нәрсе күмәнді көрінсе, жалғастыруға міндетті емессіз.

Құжаттар

  • Жеке куәлікті және баспанаға құқықты растайтын құжатты көрсетуді сұраңыз. Аты-жөндер сәйкес келуі керек.
  • Жалға беруші меншік иесі болмаса, қандай негізде беретінін анықтап, меншік иесінің келісімін сұраңыз.
  • Жалдау туралы жазбаша шарт жасаңыз.

«Жеке басы расталған»

Профильдегі бұл белгі адамның верификациядан өткенін білдіреді: модератор оның құжаты мен селфиін профиль фотоларымен салыстырды. Белгі баспананы жалға беру құқығын растамайды және құжаттарды тексеруді алмастырмайды.

Верификациядан қолданбада тегін өтуге болады. Іздеудегі «Тек тексерілгендер» сүзгісі мен Таспа сүзгілеріндегі тексерілген авторлар да тегін.

Шағым және бұғаттау

  • «Шағымдану» — хабарландыруда, адамның профилінде және чатта. Шағымды модератор қарайды; чаттан берілген шағымға соңғы хабарламалар тіркеледі.
  • «Бұғаттау» — Birge-нің барлық бөлімінде бір-біріңізді көрмейсіз. Адам бұғатталғанын білмейді.

Кәмелетке толмағандар

Birge аккаунты — 16 жастан, көрші іздеу — 18 жастан. Балаларды қалай қорғайтынымыз Балаларды қорғау бетінде айтылған.

Бір нәрсе болса

[email protected] мекенжайына жазыңыз — қай хабарландыру немесе қай адам туралы екенін көрсетіңіз. Сізге қауіп төнсе, бірден 112-ге қоңырау шалыңыз.